దేశంలో కరోనా రెడ్ అలర్ట్.. రికార్డు బ్రేక్ పాజిటివ్ కేసులు

దిశ, వెబ్ డెస్క్ : దేశంలో కరోనా విజృంభణ తారా స్థాయికి చేరుకుంది. రికార్డు స్థాయిలో పాజిటివ్ కేసులు నమోదు అవుతున్నాయి. తొలిసారిగా పాజిటివ్ కేసులు 2లక్షల మార్క్ క్రాస్ అయ్యాయి. గడిచిన 24 గంటల్లో దేశంలో కొత్తగా మరో 2,00,739 పాజిటివ్ కేసులు నమోదు అయినట్టు కేంద్ర ఆరోగ్యశాఖ బులిటెన్‌లో పేర్కొంది. ఇదే సమయంలో కరోనాతో మరో 1,038 మంది మృతి చెందారు.

దీంతో దేశవ్యాప్తంగా ఇప్పటి వరకు 1,40,74,564 పాజిటివ్ కేసులు నమోదు కాగా, కరోనా నుంచి 1,24,29,564 మంది కోలుకున్నారు. ఇక దేశంలో ప్రస్తుతం 14,71,877 యాక్టివ్ కేసులు ఉన్నాయి. ఇప్పటి వరకు దేశంలో 1,73,123 కరోనా కారణంగా మృత్యువాతపడ్డారు.