వేరే మహిళతో భర్త అక్రమ సంబంధం.. రెడ్ హ్యాండెడ్‌గా పట్టుకున్న భార్య

దిశ, వెబ్‌డెస్క్ : భర్త వేరే మహిళతో వివాహేతర సంబంధం కొనసాగిస్తుండగా భార్య రెడ్ హ్యాండెడ్‌గా పట్టుకుంది. ఆగ్రహంతో భర్తను చితకబాది పోలీసులకు అప్పగించింది. ఈ ఘటన కుత్బుల్లాపూర్‌లో చోటు చేసుకుంది. వివరాల ప్రకారం.. నగరంలోని జగద్గిరిగుట్టకు చెందిన అనిల్ విద్యుత్ సంస్థలో ఆర్టిజన్ ఉద్యోగిగా పని చేస్తున్నాడు. ఏడేళ్ల క్రితం అనిల్‌కు రామేశ్వరితో పెళ్లి జరిగింది. వీరికి ఓ బాబు కూడా ఉండటం గమనార్హం.

ఇదిలా ఉండగా వివాహమైన నాటి నుంచి అనిల్ అదనపు కట్నం కోసం రామేశ్వరిని వేధింపులకు గురి చేస్తున్నాడు. ఈ నేపథ్యంలో వారి మధ్య చాలా గొడవ జరిగినట్టు తెలిసింది. అదనపు కట్నం ఇవ్వకపోతే రామేశ్వరి పేరుతో ఉన్న ఫ్లాట్‌ను అమ్మాలని ఆమెపై అనిల్ ఒత్తిడి తెచ్చాడు. కానీ, రామేశ్వరి ఫ్లాట్ అమ్మే ప్రసక్తే లేదని తేల్చి చెప్పింది.

ఈ క్రమంలో కొద్ది నెలల నుంచి అనిల్ ప్రవర్తనలో మార్పును గమనించిన భార్య.. అతనిపై ఫోకస్ పెంచింది. కుత్బుల్లాపూర్​బ్యాంక్ కాలనీలో రెండేళ్లుగా వేరే మహిళతో నివాసం ఉంటున్నట్టు తెలుసుకుంది. దీంతో షాకైన రామేశ్వరి.. అనిల్ విషయం బయటపెట్టాలనుకుంది. శనివారం ఉదయం వారిద్దరు ఇంట్లో ఉండగా రెడ్​హ్యాండెడ్‌గా పట్టుకుంది. అనిల్‌ను చితకబాది పోలీసులకు అప్పగించింది. తనకు, తన బిడ్డకు న్యాయం చేయాలని పోలీసులను వేడుకుంది.