ఉగాది పంచాంగం : ఈ రాశివారికి అనుకూలంగా ఉన్నా.. కష్టాలు తప్పవు

దిశ, ఫీచర్స్ : శ్రీ క్రోధినామ సంవత్సరంలో వృషభ రాశి వారికి చాలా అనుకూలంగా ఉంది అంటున్నారు పండితులు. కాగా, ఈ రాశి వారి ఆదాయ, వ్యయాలు చూద్దాం.

ఆదాయం 2, వ్యయం 8, రాజ్యపూజ్యం 7, అవమానం 3

ఈ సంవత్సరం వీరికి బాగా కలిసి వస్తుంది.శని శుభ స్థానంలో, గురుడు సంవత్సరం మొత్తం జన్మంలో ఉండడం వల్ల మీకు మంచి అనకూల సమయం. అలాగే రాహువు లాభస్థానంలో ఉన్నందున వీరికి అన్ని విధాలా కలిసి వస్తుంది. ఈ సంవత్సరంలో ఈ రాశి వారు స్థిరాస్థి కొనుగోలు చేసే అవకాశం ఉంది. సినీ, మీడియా రంగం వారికి బాగా కలిసి వస్తుంది. వ్యాపార రంగంలో ఉన్నవారికి పెట్టుబడుల్లో లాభాలు కలిసి వచ్చే అవకాశం ఉంది. విద్యార్థులు మంచి ఫలితాలు పొందుతారు. ఆరోగ్యం విషయంలో కాస్త జాగ్రత్త అవసరం. కుటుంబంలో శుభకార్యాలు జరుగుతాయి. ఈ సంవత్సరం ఈ రాశి వారికి వైవాహిక జీవితం చాలా సంతోషంగా గడుస్తుంది. రియలెస్టేట్ రంగంలో ఉన్నవారికి మధ్యస్థ ఫలితాలు ఉన్నాయి. ఇక వృషభ రాశి వారి నాయకులకు అనుకూల సమయంగా చెప్పవచ్చు. కానీ అధికంగా డబ్బు ఖర్చు పెడితేనే పదవి వచ్చే అవకాశం ఉంటుంది. ఉద్యోగులకు ఈ సంవత్సరం మిశ్రమ ఫలితాలనిస్తోంది. విదేశాల్లో ఉద్యోగాలు చేయాలి అనుకున్న వారి ప్రయత్నాలు ఫలిస్తాయి. ప్రభుత్వ ఉద్యోగులకు ఆకస్మిక బదిలీలు తప్పవు. ఉన్నతాధికారుల వల్ల ఇబ్బందులు ఎదుర్కొంటారు. ఇక ఈ రాశి వారికి ఓరల్‌గా అంతా బాగుంటుంది. కానీ ఆకస్మిక నిర్ణయాల వలన కష్టాలు ఎదుర్కోవలసి వస్తుదంట.