ఉగాది పంచాంగం : మిథున రాశి వారికి అత్యంత యోగకాలం

దిశ, ఫీచర్స్ : శ్రీ క్రోధి నామ సంవత్సరంలో మిథున రాశి వారికి ఎలా ఉండబోతుంది. ఆదాయ వ్యయాల గురించి తెలుసుకుందాం.

ఆదాయం 5, వ్యయం 5,రాజపూజ్యం 3,అవమానం 6

ఈ రాశి వారికి గురుడు బలమైన స్థానంలో, శని రాహువులు కూడా మంచి స్థానంలో ఉన్నందు వలన వీరికి అన్నింట శుభ ఫలితాలు కలిగే అవకాశం ఉంది. ఈ రాశి వారికి అత్యంత యోగకాలం కానుంది. గతంలో చేసిన అప్పుల బాధల నుంచి ఈ రాశి వారు విముక్తి పొందుతారు, ఆదాయం వృద్ధి చెందుతుంది. వ్యాపారులకు, ప్రభుత్వ, ప్రైవేట్ ఉద్యోగస్తులకు చాలా అనుకూలమైనది గా చెప్పవచ్చు. మంచి లాభాలు పొందుతారు. ఉద్యోగులకు ప్రమోషన్స్ వచ్చే అవకాశం ఉంది. ఈ సంవత్సరం మిథున రాశి విద్యార్థులకు మధ్యస్థ ఫలితాలు ఉన్నాయి. చదువుపై శ్రద్ధ తగ్గడం, కోరుకున్న కళాశాలలో సీటు రాకపోవడం లాంటిది జరిగే అవకాశం ఉంది. కష్టపడి చదివితే వీరు మంచి ఫలితాలు పొందుతారు. రాజకీయ నాయకులకు కలిసి వచ్చే రోజుగా చెప్పవచ్చు. వీరికి శని బలం వలన ప్రజల్లో మంచి గుర్తింపు లభిస్తుంది. వీరికి ఈ సంవత్సరం అంతా శుభఫలితాలే. ఆరోగ్యం బాగుంటుంది. ఈ రాశివారు శుభకార్యాల్లో పాల్గొనే అవకాశం ఉంది. ఇంటా బయట సానుకూల వాతావరణం ఏర్పడుతుంది. మీరు మీ తెలివి తేటలతో ఎవరినైనా మెప్పించ గలుగుతారు.