రెండో టీ20కి కూడా హిట్‌మ్యాన్ దూరం

దిశ, స్పోర్ట్స్: ఇంగ్లండ్‌తో జరుగుతున్న రెండో టీ20లో కూడా టీమిండియా ఓపెనర్ రోహిత్ శర్మకు టీమ్ మేనేజ్‌మెంట్ విశ్రాంతి ఇచ్చింది. కెప్టెన్ విరాట్ కోహ్లీ సూచనతో తొలి టీ20లో రోహిత్‌ శర్మకు విశ్రాంతి ఇచ్చిన టీమ్ మేనేజ్‌మెంట్.. రెండో టీ20కి కూడా రోహిత్‌ను తుది జట్టులోకి తీసుకోలేదు.

ఇక బ్యాటింగ్‌లోనూ టీమిండియా మార్పులు చేసింది. ఐపీఎల్‌లో ముంబై ఇండియన్స్ తరపున ఆడిన సూర్యకుమార్ యాదవ్, ఇషాన్ కిషన్‌లను రెండో టీ20లోకి తీసుకున్నారు. శిఖర్ ధావన్ స్థానంలో ఇషాన్ కిషన్‌ను తీసుకోగా.. అక్షర్ పటేల్ స్థానంలో సూర్యకుమార్ యాదవ్‌ను తీసుకున్నారు.

తొలి టీ20లో పరాజయం పాలైన టీమిండియా.. రెండో టీ20లోనైనా గెలిచి ప్రతీకారం తీర్చుకోవాలని యోచిస్తోంది. కాగా రెండో టీ20లో టాస్ గెలిచిన టీమిండియా బౌలింగ్ ఎంచుకుంది.