Bhumika Chawla: బిగ్ బాస్ కి భూమిక.. క్లారిటీ ఇదే

దిశ, వెబ్‌డెస్క్: ‘యువకుడు’ సినిమాతో టాలీవుడ్ ఎంట్రీ ఇచ్చి ‘ఖుషి’ (Kushi) సినిమాతో తెలుగు ప్రేక్షకుల మదిలో కొలువుండి పోయిన హీరోయిన్ భూమిక (Bhumika Chawla).. స్టార్ హీరోల సరసన నటించి మెప్పించిన ఈ భామ పెళ్లి తర్వాత కొంత గ్యాప్ తీసుకొని ఇటీవల సెకండ్ ఇన్నింగ్ మొదలుపెట్టింది. ఇక గత కొన్ని రోజుల నుంచి భూమిక బిగ్ బాస్ సీజన్ 15 (Big Boss 15) లో కంటెస్టెంట్ గా సెలెక్ట్ అయ్యింది అంటూ వార్తలు గుప్పుమన్న విషయం తెలిసిందే. ఈ రూమర్లపై తాజాగా భూమిక స్పందించింది.

బిగ్ బాస్ కి తాను రావడం లేదంటూ స్పష్టం చేసింది. బిగ్ బాస్ ఆఫర్ అంతకుముందు తనకు వచ్చిందని, కానీ ఆ ఆఫర్ ని తాను తిరస్కరించానని చెప్పుకొచ్చిన భూమిక సీజన్ 15 కోసం ఎవరు తనను సంప్రదించలేదని తెలిపింది. ఒకవేళ సంప్రదించినా తాను రిజెక్ట్ చేసేదాన్నని తెలిపింది. బిగ్ బాస్ కి వెళ్లకపోవడానికి రీజన్ ఏంటంటే.. బిగ్ బాస్ హౌస్ వంటి వాతావరణం లో ఇమడలేనని, అందుకే ఆ షో కి వెళ్లాలి అనే ఆసక్తి తనకు ఎప్పుడు లేదని భూమిక క్లారిటీ ఇచ్చింది. దీంతో భూమిక బిగ్ బాస్ లో లేదని నిర్దారణ అయ్యింది.