కరోనా పరీక్షలు ఇకపై మరింత చవక

దిశ,వెబ్‌డెస్క్: తెలంగాణలో కరోనా పరీక్షలు ఇక పై మరింత చవక కానున్నాయి. ఈ మేరకు ప్రైవేట్ ల్యాబ్‌ల్లో కరోనా పరీక్షల ధరను మరోసారి తగ్గిస్తూ తెలంగాణ ప్రభుత్వం మంగళవారం నిర్ణయం తీసుకుంది. తాజా నిర్ణయంతో ప్రైవేట్ ల్యాబ్‌ల్లో ఆర్‌టీపీసీఆర్ పరీక్షల ధర రూ. 850 నుంచి రూ. 500కు తగ్గనుంది. శాంపిల్ పరీక్ష ధరను రూ.1200 ల నుంచి రూ. 750కు తగ్గిస్తూ ప్రభుత్వం ఉత్తర్వులు జారీ చేసింది. కరోనా పరీక్షల సంఖ్య పెంచేందుకే ఈ నిర్ణయం తీసుకున్నట్టు తెలంగాణ ప్రభుత్వం తెలిపింది.