హైదరాబాద్‌లో భారీగా డ్రగ్స్ స్వాధీనం

దిశ, వెబ్‌డెస్క్: హైదరాబాద్‌లో డ్రగ్స్ సరఫరా చేస్తున్న ముఠాను గురువారం నార్త్‌జోన్‌ టాస్క్‌ఫోర్స్‌ పోలీసులు పట్టుకున్నారు. అనంతరం వారి నుంచి భారీగా డ్రగ్స్ స్వాధీనం చేసుకున్నారు. ముంబై నుంచి డ్రగ్స్ తీసుకొచ్చి, హైదరాబాద్‌లో విక్రయిస్తున్నట్టు గుర్తించారు. ఈ సంరద్భంగా డ్రగ్స్ సరఫరా చేయడంలో ప్రధాన సూత్రధారి, ప్రముఖ హోటల్‌లో పనిచేసిన చెఫ్ సలీమ్‌ను పట్టుకున్నారు. అంతేగాకుండా కొత్త తరహా డ్రగ్స్‌ను స్వాధీనం చేసుకున్నట్టు అధికారులు వెల్లడించారు. ఈ కేసులో టెలిమార్కెటింగ్ చేస్తున్న ముగ్గురిని అరెస్టు చేసినట్టు తెలిపారు. అంతేగాకుండా సెక్స్ సామర్థ్యం పెరుగతుందంటూ డ్రగ్స్ విక్రయాలకు పాల్పడుతున్నారని సిటీ పోలీసులు గుర్తించారు. పబ్‌లకు వచ్చే వారిని ఆకర్షించి, పెద్దఎత్తున అమ్మకాలు జరుపుతున్నట్టు తెలిపారు. ఈ సందర్భంగా వారి నుంచి 200 గ్రాముల మెఫిడ్రిన్ స్వాధీనం చేసుకున్నారు.