వీటిని పాలతో కలిపి తీసుకుంటున్నారా .. తేడా వస్తే మీ ప్రాణాలకే ప్రమాదం..

 దిశ, వెబ్‌డెస్క్: చిన్న, పెద్ద వ‌య‌సుతో సంబంధం లేకుండా అంద‌రికీ మేలు చేసేవి పాలు మాత్రమో. అందుకే క్రమం తప్పకుండా ఒక గ్లాసు పాలు ప్రతి రోజు తాగడం అలవాటు చేసుకోవాలి. ఇందులో ప్రోటీన్స్‌, విట‌మిన్స్‌, మిన‌ర‌ల్స్‌, ఫ్యాట్స్ ఇలా బోలెడ‌న్ని పోష‌క విలువ‌లు స‌రైన మొత్తంలో నిండి ఉంటాయి. దీంతో పాటు.. మన శరీరంలో ఎముకలు బలంగా మార్చే కాల్షియం ను కూడా దోహదం చేస్తుంది. అందుకే రోజుకు ఒక గ్లాస్ పాలు తాగితే అనేక జ‌బ్బుల‌కు దూరంగా ఉండొచ్చని ఆరోగ్య నిపుణులు చెబుతుంటారు. అయితే పాల‌ను కొంద‌రు ఉద‌యం పూట తాగితే,మ‌రి కొంద‌రు మాత్రం రాత్రి నిద్రించే ముందు తాగుతుంటారు. రాత్రి వేల తాగడం మూలంగా నిద్రలేమి ని దూరం చేసి,కంటి నిండ నిద్రించేలా చేస్తాయి. ఇక అసలు విషయం ఏంటంటే చాలా మంది పాలతో పాటు కొన్ని రకాల పదార్థాలను కలిపి తింటుంటారు. .. కానీ కొన్ని రకాల పదార్థాలు మాత్రం పాలతో కలిపి తింటే తీవ్ర అనార్థాలకు దారితీస్తుంది. కొన్ని సందర్భాల్లో ప్రాణాలకే ముప్పు.. మరి ఆ ఆహార పదార్థాలేంటో తెలుసుకుందాం.

చేపలు:

చేపలు, పాలు కలిపి తినకూడదు. ఎందుకంటే ఇది జీర్ణ సమస్యలకు దారితీస్తుంది. చేపలు, పాలు తిన్న తర్వాత అసౌకర్యానికి గురవుతారని ఆరోగ్య నిపుణులు చెబుతున్నారు. ఎందుకంటే చేపలు ఎక్కువగా తింటే అజీర్ణ సమస్య తలెత్తుతుంది. పాలు మన శరీరాలపై శీతలీకరణ ప్రభావాన్నిచూపుతాయి. ఈ ఆహార పదార్థాలు కలిసి శరీరంలో రసాయన అసమతుల్యతను కలిగిస్తాయి, ఇది ఉబ్బరం, కడుపు నొప్పి, చర్మ అలెర్జీలకు కూడా దారితీస్తుంది.

అరటిపండు:

చాలామంది అరటిపండ్లు, పాలు కలిపి తింటే ఆరోగ్యానికి మంచిదని భావిస్తుంటారు. చిన్నపిల్లలకు పాలలో అరటిపండును మిక్స్ చేసి తినిపిస్తుంటారు. అయితే ఈ కాంబినేషన్ అంత ఆరోగ్యకరం కాదని డైటీషియన్లు చెబుతున్నారు. ఎందుకంటే అరటిపండ్లు, పాల కలయిక మన శరీరాన్ని బరువు పెంచేలా చేస్తాయి. అంతేకాదు ఇవి జీర్ణం కావడానికి చాలా సమయం పడుతుంది. అలసటకు దారితీస్తుంది. ఆయుర్వేద విశ్వాసాల ప్రకారం, అరటిపండుతో పాలు మన శరీరంలో హానికరమైన టాక్సిన్స్‌ను విడుదల చేస్తాయి. జీర్ణ ప్రక్రియను నెమ్మదిస్తాయి. ఈ కలయిక జలుబు, దగ్గు, అలెర్జీలకు కూడా దారితీస్తుంది.

పుచ్చకాయలు:

పండ్లతో పాలను కలపి తినడం మంచిది కాదు. పుచ్చకాయ, పాలు అనారోగ్యకరమైన ఆహార కలయిక. ఇది జీర్ణ సమస్యలు, వాంతులు, విరేచనాలు, విషపూరిత పెరుగుదలకు దారితీస్తుంది.

సిట్రస్ పండ్లు:

తాజా పాలలో ఏదైనా ఆమ్లం కలిపితే పెరుగు అవుతుందని మీకు తెలుసా? సాధారణంగా, ఈ పద్ధతిని జున్ను తయారు చేయడానికి ఉపయోగిస్తారు. సిట్రస్ పండ్లతో పాలను తీసుకున్నప్పుడు, పాలు ప్రభావంతో గడ్డకట్టడం వల్ల గ్యాస్, గుండెల్లో మంట వచ్చే ప్రమాదం ఉంది.

పెరుగు, చీజ్:

పాలను పెరుగు, జున్ను ఇతర పులియబెట్టిన ఉత్పత్తులతో జోడించి తినకూడదు. ఎందుకంటే ఈ ఆహార పదార్థాలు పాల కంటే చాలా భిన్నమైన లక్షణాలను కలిగి ఉంటాయి. అంటువ్యాధులు, ప్రేగు సమస్యలకు దారితీసే అవకాశం ఉంటుంది. అటువంటి ఆహారాలను కలిపి తినడం వల్ల అనారోగ్య సమస్యలకు దారితీస్తుంది.

ఇవి పాలతో దూరంగా ఉండవలసిన కొన్ని ఆహార పదార్థాలు. అయితే, చాలా ప్రయోజనకరమైన కొన్ని ఆహార కలయికలు కూడా ఉన్నాయి. రాత్రిపూట ఒక గ్లాసు పాలతో పాటు రెండు బాదం పప్పులు తింటే మంచి నిద్ర వస్తుంది. అదేవిధంగా, దాల్చినచెక్క, అల్లం, పసుపు వంటి మసాలా దినుసులను రాత్రిపూట పాలలో చేర్చుకుని తాగవచ్చు, ఎందుకంటే అవి శరీరాన్ని శాంతపరిచే, శరీర ఉష్ణోగ్రతను నియంత్రించడంలో మెరుగ్గా పనిచేస్తాయి.