తెలంగాణలో ఉద్యోగులకు గుడ్ న్యూస్..
దిశ, తెలంగాణ బ్యూరో : రాష్ట్ర ప్రభుత్వ ఉద్యోగుల వేతన సవరణ అంశం మరోసారి తెరపైకి వచ్చింది. మార్చి నుంచి కొనసాగుతున్న పీఆర్సీ ప్రక్రియ ఇప్పటికే పెండింగ్లోనే ఉంది. దీనిపై ఉద్యోగులు కూడా ఆశలు వదిలేసుకున్నట్టే మాట్లాడుతున్నారు. గత ఏడాది డిసెంబర్లో పీఆర్సీ ఫైలును ప్రభుత్వానికి ఇవ్వగా… మార్చిలో సీఎం కేసీఆర్ అసెంబ్లీలోప్రకటన చేసిన విషయం తెలిసిందే. 30 శాతం ఫిట్మెంట్ ఇస్తామని ప్రకటించారు. ఏప్రిల్ నుంచే అమల్లోకి వస్తుందన్నారు. అయితే ఆర్థిక శాఖ నుంచి మార్గదర్శకాలన్నీ […]
దిశ, తెలంగాణ బ్యూరో : రాష్ట్ర ప్రభుత్వ ఉద్యోగుల వేతన సవరణ అంశం మరోసారి తెరపైకి వచ్చింది. మార్చి నుంచి కొనసాగుతున్న పీఆర్సీ ప్రక్రియ ఇప్పటికే పెండింగ్లోనే ఉంది. దీనిపై ఉద్యోగులు కూడా ఆశలు వదిలేసుకున్నట్టే మాట్లాడుతున్నారు. గత ఏడాది డిసెంబర్లో పీఆర్సీ ఫైలును ప్రభుత్వానికి ఇవ్వగా… మార్చిలో సీఎం కేసీఆర్ అసెంబ్లీలోప్రకటన చేసిన విషయం తెలిసిందే. 30 శాతం ఫిట్మెంట్ ఇస్తామని ప్రకటించారు. ఏప్రిల్ నుంచే అమల్లోకి వస్తుందన్నారు. అయితే ఆర్థిక శాఖ నుంచి మార్గదర్శకాలన్నీ రెడీ అయి సీఎం ఆమోదం కోసం పంపించారు. అప్పటి నుంచి ఈ ఫైల్ పెండింగ్ పడింది. కొన్ని సందర్భాల్లో ఇవ్వాళ పీఆర్సీ… రేపు జీవోలు అంటూ ప్రచారం జరిగినా ఉద్యోగ సంఘాలు మాత్రం కొట్టి పారేస్తూనే ఉన్నాయి.
తాజాగా కేబినెట్ ముందుకు…?
రాష్ట్ర మంత్రివర్గం సమావేశం మంగళవారం నిర్వహిస్తున్న నేపథ్యంలో పీఆర్సీపై నిర్ణయం తీసుకుంటారని పార్టీ వర్గాలు ప్రచారం మొదలుపెట్టాయి. ప్రగతిభవన్ నుంచి ఈ లీకులిచ్చారు. అప్పటికే పీఆర్సీపై ఆశలు పెట్టి వదిలేశారంటూ సోషల్ మీడియాలో విస్తృత ట్రోలింగ్ జరుగుతోంది. ఉద్యోగుల నుంచి వ్యతిరేకత వస్తుందని గుర్తించి కేబినెట్ ముందు పెట్టి, ఆమోదం తెలిపి ప్రకటన చేయనున్నట్లు తెలుస్తోంది. అయితే దాని తర్వాత కూడా జీవోలు ఎప్పుడు వస్తాయనేదానిపై క్లారిటీ రావడం లేదు. కేబినెట్ ఆమోదం తర్వాత జీవోలు వస్తాయనే అంశంపై సచివాలయ వర్గాలు కూడా నిర్ధారించడం లేదు.
మాకైతే నమ్మకం లేదయ్యా…!
ఇక పీఆర్సీ ఫైల్ అంశంలో ఉద్యోగ సంఘాలు సినిమా డైలాగులన్నీ పేల్చుతున్నారు… లీడర్ సినిమాలో మాదిరిగా… “ సీఎం అసెంబ్లీలోనే ప్రకటించారు… మాట తప్పితే తల నరుక్కుంటానన్న సీఎం సంతకం పెట్టలేదు… ఏమో సామీ… మాకైతే నమ్మకం లేదు” అంటూ సోషల్ మీడియాలో పోస్టులు పెడుతున్నారు. అటు టీఆర్ఎస్ వర్గాలు మాత్రం మంగళవారం కచ్చితంగా ఉత్తర్వులు వస్తాయంటున్నా… ఉద్యోగ సంఘాలు మాత్రం కొట్టిపారేస్తున్నట్లుగా వ్యాఖ్యానిస్తున్నాయి. అంతేకాకుండా కొంతకాలం కిందట వరకూ పీఆర్సీ ఫైల్ వస్తుందంటూ ప్రభుత్వానికి అనుకూలంగా మాట్లాడిన ఉద్యోగ సంఘాలు కూడా ఇప్పుడు మాకైతే క్లారిటీ లేదని, కేబినెట్లో ఆమోదించినా… జీవోలు వస్తాయనే నమ్మకం లేదని, ఎప్పుడు వస్తాయో కూడా చెప్పలేమంటూ స్పష్టం చేస్తున్నారు. ప్రస్తుతం కరోనా పరిస్థితులు, ఆదాయం తగ్గిన నేపథ్యంలో జీవోలు వస్తాయనే ఆశలు లేవని, వస్తే మాత్రం బోనస్ అంటూ చెప్పుతున్నారు.
మరోవైపు సీఎం కేసీఆర్ ప్రకటించిన విధంగా పీఆర్సీపై జీవోలు జారీ చేయాలని తెలంగాణ ఎంప్లాయిస్ అసోసియేషన్ అధ్యక్షుడు చిలగాని సంపత్ కుమారస్వామి డిమాండ్ చేశారు. దీనిపై ఆయన సోమవారం మీడియా సమావేశం నిర్వహించారు. పీఆర్సీని ఇంకా ఎన్ని రోజులు సాగదీస్తారంటూ ప్రశ్నించారు. ఇప్పుడు జీవోలు రాకుంటే ఉద్యమం చేస్తామని, ప్రభుత్వాన్ని నిలదీయాలంటూ ఉద్యోగులకు పిలుపునిచ్చారు.