మేకల కాపరి దారుణ హత్య

దిశ, మహబూబ్ నగర్: మహబూబ్ నగర్ జిల్లాలో ఓ మేకల కాపరి దారుణహత్యకు గురయ్యాడు. రోజు మాదిరిగానే మేకలను మేపడానికి తీసుకెళ్లేందుకు వెళ్లిన శీను(28)అనే కాపరిని గుర్తుతెలియని దుండగులు గొడ్డలితో దారుణంగా నరికి చంపారు.ఈ ఘటన దేవరకద్ర మండలం పేరూరు గ్రామంలో శుక్రవారం చోటుచేసుకుంది. వివరాల్లోకివెళితే..గొల్ల పెద్ద వెంకటన్న రెండో కుమారుడు శీను రోజు లాగానే అయితే చింతకుంట మండల పరిధిలోని బోల్లి గట్టు శివారులో మేకలను మేపుతున్నాడు. అదే సమయంలో గుర్తు తెలియని దుండగులు అతన్ని దారుణంగా హత్యచేసి పరారయ్యారు. స్థానికుల సమాచారం మేరకు ఘటనా స్థలికి చేరుకున్న దేవరకద్ర, సీసీ కుంట మండలాల పోలీసులు పాత కక్ష్యలే హత్యకు దారితీశాయా అన్న కోణంలో దర్యాప్తు చేస్తున్నారు.ముందుగా కండువాతో గొంతుకు గట్టిగా బిగించి చంపాలని చూశారని, అలా కుదరకపోవడంతో గొడ్డలితో తలపై బలంగా నరికి చంపారని నిర్దారించారు. ఈ మేరకు కేసు నమోదు చేసి నిందితుల కోసం గాలిస్తున్నట్టు తెలిపారు.