ఫ్లిప్‌కార్ట్‌లో NOKIA మీడియా స్ట్రీమర్ బాక్స్‌..

దిశ, వెబ్‌డెస్క్: ఈ-కామర్స్ వైబ్‌సైట్ ఫ్లిప్‌కార్ట్ (Flipkart)నూతనంగా నోకియా (Nokia)మీడియా స్ట్రీమర్ బాక్స్‌ను విడుదల చేసింది. ఆండ్రాయిడ్ 9.0 ఓఎస్‌ (OS)ను వర్షన్‌ను ఇందులో అందిస్తున్నారు. 60 ఎఫ్‌పీఎస్ స్పీడ్‌తో ఈ బాక్స్ ద్వారా ఫుల్‌ హెచ్‌డీ (FHD)లో వీడియోలు ప్లే చేయవచ్చు. అంతేకాకుండా, డ్యుయల్ బ్యాండ్ వైఫై (WIFI)ను అందిస్తున్నారు. దాంతో వైఫై సిగ్నల్‌ను చక్కగా రిసీవ్ చేసుకుంటుంది. డాల్బీ (Dolby) డిజిటల్ ఆడియో, వాయిస్ కంట్రోల్డ్ రిమోట్‌, గూగుల్ అసిస్టెంట్‌కు సపోర్ట్ ఫీచర్లను కూడా ఇందులో అందిస్తున్నారు.

ఈ బాక్స్‌లో బిల్టిన్ క్రోమ్‌క్యాస్ట్ ఫీచర్‌ను కూడా మనం చూడవచ్చు. ఫోన్లు తదితర డివైస్‌లను దీనికి కనెక్ట్ చేసి వాటిలో ఉన్న కంటెంట్‌ను ఈ బాక్స్ ద్వారా స్ట్రీమ్ చేయవచ్చు. ఇక గూగుల్ ప్లే (Google play)కు ఈ బాక్స్‌లో సపోర్ట్‌ను ఇస్తున్నారు. జీ5, నెట్‌ఫ్లిక్స్ తదితర యాప్స్‌ను వేగంగా యాక్సెస్ చేసేందుకు గాను ప్రత్యేక కీస్‌ను అందిస్తున్నారు.

నోకియా మీడియా స్ట్రీమర్ బాక్స్‌లో క్వాడ్‌కోర్ ప్రాసెసర్‌, 1జీబీర్యామ్, 8జీబీ స్టోరేజీలను అందిస్తున్నారు. ఈ బాక్స్ ధర రూ.3,499గా ఉంది. ఆగస్టు 28 నుంచి ఫ్లిప్‌కార్ట్‌ సైట్ ద్వారా దీనిని విక్రయించనున్నారు.