‘RRR’ ఫస్ట్ సాంగ్ రిలీజ్ డేట్ ఫిక్స్

దిశ, సినిమా : జూనియర్ ఎన్టీఆర్, రాంచరణ్ లీడ్ రోల్స్‌లో టాలీవుడ్ బిగ్గెస్ట్ మల్టీస్టారర్‌గా తెరకెక్కుతున్న సినిమా ‘ఆర్‌ఆర్‌ఆర్’. ఇండియన్ ఫిల్మ్ ఇండస్ట్రీలో మోస్ట్ యాంటిసిపేటెడ్ ఫిల్మ్‌గా నిలిచిన ఈ భారీ ప్రాజెక్ట్ నుంచి బిగ్ అప్‌డేట్ అనౌన్స్ చేశారు మేకర్స్. ఈ సినిమాలోని మొదటి సాంగ్‌ను ఆగస్టు 1న రిలీజ్ చేయబోతున్నట్లు సోషల్ మీడియా ద్వారా ప్రకటించారు.

ఎంఎం కీరవాణి మ్యూజిక్ డైరెక్షన్‌లో కంపోజ్ చేసిన ఈ పాటను ఐదుగురు టాలెంటెడ్ సింగర్స్ ‘అమిత్ త్రివేది, అనిరుధ్ రవిచందర్, యాసిన్ నిజార్, హేమచంద్ర, విజయ్ ఏసుదాసు’ పాడటం విశేషం. ఈ మేరకు కీరవాణితో పాటు ఇన్‌స్ట్రుమెంట్స్ వాయిస్తున్న సింగర్స్ ఫొటోను షేర్ చేసిన మేకర్స్.. ‘ఆగస్టు 1న #RRRMovie నుంచి మొదటి పాట’ అంటూ ట్వీట్ చేశారు. ఇక అలియా భట్, అజయ్ దేవ్‌గన్, సముద్రఖని వంటి భారీ కాస్టింగ్‌తో రాబోతున్న మూవీ అక్టోబర్ 13న వరల్డ్ వైడ్‌గా రిలీజ్ కానుంది.