18–45 ఏళ్ల వయసున్న అందరికీ వ్యాక్సిన్​ ఇవ్వాలి

దిశ,తెలంగాణ బ్యూరో: తెలంగాణలో 18–45 సంవత్సరాల వయస్సు వారందరికీ కేంద్ర,రాష్ట్ర ప్రభుత్వాలు ఉచితంగా వ్యాక్సిన్​ అందించేలా చర్యలు తీసుకోవాలని టీపీసీసీ వర్కింగ్​ ప్రెసిడెంట్​పొన్నం ప్రభాకర్​ అన్నారు. ఈ మేరకు గురువారం ఆయన ఓ ప్రకటనను విడుదల చేశారు. రాష్ట్రంలో 18 నుంచి 45 సంవత్సరాలున్న వారందరికీ ఉచితంగా వ్యాక్సిన్ అందజేస్తామని గతంలో సీఎం కేసీఆర్​చెప్పిన విషయాన్ని గుర్తు చేశారు. వ్యాక్సినేషన్​కోసం రూ.2,500 కోట్లు ఖర్చవుతుందని ముఖ్యమంత్రి హామీ ఇచ్చారన్నారు.

ప్రస్తుతం కరోనా విజృంభన కొనసాగుతుందని,అందువల్ల మే 1వ తేదీ నుంచి 18–45 సంవత్సరాలు కల్గిన వారికి వ్యాక్సిన్​వేస్తున్నారా..? లేదా..? అనే విషయంపై రాష్ట్ర ప్రభుత్వం స్పష్టతనివ్వాలని డిమాండ్​చేశారు. ఎన్నికల టైంలో సమస్యలపై సర్జికల్ స్ట్రైక్స్​చేస్తామని చెప్పిన తెలంగాణ బీజేపీ ఎంపిలు.. కేంద్రం నుంచి అవసరమైనంత వ్యాక్సిన్ ను తెప్పించే బాధ్యత వారిపై లేదా..? అని ప్రశ్నించారు.