కార్మికులకు అండగా ఉంటాం: మల్లారెడ్డి

దిశ, ముషీరాబాద్: టీఆర్‌ఎస్ ప్రభుత్వం కార్మికులకు ఎల్లప్పుడూ అండగా ఉంటుందని మంత్రి మల్లారెడ్డి అన్నారు. తెలంగాణ రీజియన్ ఈఎస్ఐ బోర్డు సభ్యులుగా నియమితులైన రవిశంకర్ అల్లూరి, వి.మారయ్య, రమణారెడ్డి‌లు మంత్రిని కలిసి సత్కరించారు. ఈ సందర్భంగా బోర్డు సభ్యులుగా ఎన్నికయిన వారిని మంత్రి అభినందించారు. కార్మికుల సమస్యలను పరిష్కరించడంలో ఎల్లప్పుడు ముందుండాలని సభ్యులకు సూచించారు.