తెలంగాణ లాసెట్-2023 నోటిఫికేషన్.. పూర్తి వివరాలు ఇవే

దిశ, ఎడ్యుకేషన్: తెలంగాణ రాష్ట్రంలో 2023 -24 విద్యా సంవత్సరానికి మూడు, ఐదేళ్ల లా కామన్ ఎంట్రెన్స్ టెస్ట్ (టీఎస్ లా సెట్ - 2023), తెలంగాణ పీజీ లా కామన్ ఎంట్రన్స్ టెస్ట్ (టీఎస్ పీజీఎల్‌సెట్-2023) నోటిఫికేషన్‌ను తెలంగాణ రాష్ట్ర ఉన్నత విద్యా మండలి (టీఎస్‌సీహెచ్ఈ) విడుదల చేసింది.

ఈ పరీక్ష ద్వారా ఎల్ఎల్‌బీతో పాటు రెండేళ్ల ఎల్ఎల్ఎం కోర్సుల్లో ప్రవేశాలు కల్పిస్తారు. దీనిని హైదరాబాద్‌లోని ఉస్మానియా విశ్వవిద్యాలయం నిర్వహిస్తోంది.

పరీక్ష వివరాలు :

తెలంగాణ లా కామన్ ఎంట్రెన్స్ టెస్ట్ (టీఎస్ లాసెట్), తెలంగాణ పీజీ లా కామన్ ఎంట్రెన్స్ టెస్ట్ (టీఎస్ పీజీఎల్‌సెట్) - 2023

కోర్సులు: మూడు, ఐదేళ్ల ఎల్ఎల్‌బీ కోర్సులు, రెండేళ్ల ఎల్ఎల్ఎం కోర్సు.

అర్హత: 3 ఏళ్ల ఎల్ఎల్‌బీ కోర్సులకు ఏదైనా గ్రాడ్యుయేట్ డిగ్రీ; ఐదేళ్ల ఎల్ఎల్‌బీ కోర్సుకు ఇంటర్మీడియట్; ఎల్ఎల్ఎం కోర్సుకు ఎల్ఎల్‌బీ లేదా బీఎల్ ఉత్తీర్ణులై ఉండాలి.

నోట్: లాసెట్ ఇంగ్లీష్/తెలుగు, ఇంగ్లిష్/ఉర్దూ; పీజీఎల్ సెట్ ఇంగ్లీష్ మాధ్యమంలో ఉంటుంది.

దరఖాస్తు: ఆన్‌లైన్ ద్వారా దరఖాస్తు చేయాలి.

దరఖాస్తు ప్రారంభం: మార్చి 2, 2023

చివరి తేదీ: ఏప్రిల్ 6, 2023.

పరీక్ష తేదీ: మే 25, 2023.

వెబ్‌సైట్: https://lawcet.tsche.ac.in