CTET తుది ఫలితాలు విడుదల

దిశ,వెబ్‌డెస్క్: సెంట్రల్ టీచర్స్ ఎలిజిబిలిటి టెస్ట్(CTET) డిసెంబర్‌ 2024 పరీక్ష తుది ఫలితాలు విడుదలయ్యాయి. సెంట్రల్ బోర్డ్ ఆఫ్ సెకండరీ ఎడ్యుకేషన్ (CBSE Board) దేశవ్యాప్తంగా డిసెంబర్‌లో సీటెట్ పరీక్ష నిర్వహించింది. ఇప్పటికే సీటెట్‌ ఆన్సర్‌ కీ, రెస్పాన్స్‌ షీట్లను విడుదల చేసింది. ఈ క్రమంలో తాజాగా(జనవరి 09) ఫలితాలను విడుదల చేసింది. ఈ పరీక్షకు హాజరైన అభ్యర్థులు రూల్ నెంబర్ ఎంటర్ చేసి.. ఈ https://ctet.nic.in/ వెబ్‌సైట్‌ ద్వారా తమ ఫలితాలను చెక్‌ చేసుకోవచ్చు. కేంద్ర ప్రభుత్వ పరిధిలోని పాఠశాలల్లో ఉపాధ్యాయ పోస్టుల భర్తీకి నిర్వహించే సెంట్రల్ టీచర్ ఎలిజిబిలిటీ టెస్ట్-2024 సంబంధించిన నియామక పరీక్ష గత ఏడాది డిసెంబర్ 14, 15 తేదీల్లో నిర్వహించిన విషయం తెలిసిందే. మొత్తం 20 లాంగ్వేజేస్ లో రెండు పేపర్లలో ఎగ్జామ్ కండక్ట్ చేశారు.