జర్నలిస్టులకు హైడ్రాక్సీ క్లోరోక్విన్ మాత్రలు పంపిణీ

దిశ, ఆదిలాబాద్: కరోనా నియంత్రణలో భాగంగా జర్నలిస్టులకు వైద్య ఆరోగ్య శాఖ, పోలీసుల ఆధ్వర్యంలో హైడ్రాక్సీ క్లోరోక్విన్ మాత్రలు అందజేశారు. ఆదివారం నిర్మల్ జిల్లా కేంద్రంలో జరిగిన ఓ కార్యక్రమంలో జిల్లా వైద్య ఆరోగ్యశాఖ అధికారి డాక్టర్ వసంతరావు, ఎస్పీ శశిధర్ రాజులు.. విలేకరులకు హైడ్రాక్సీ క్లోరోక్విన్ మాత్రలు అందజేశారు. కరోనా పూర్తిగా తగ్గుముఖం పట్టే వరకు పాత్రికేయులు కూడా జాగ్రత్తలు తీసుకోవాలని జిల్లా వైద్యాధికారి సూచించారు.