2024 లో అత్యధికంగా పెళ్లిపీటలు ఎక్కనున్నది ఈ రాశుల వారే..

దిశ, ఫీచర్స్ : 2024 సంవత్సరంలోకి అడుగు పెట్టేశాం.. ఈ కొత్త సంవత్సరంలో చాలా మంది తమ జీవితంలో ఎలాంటి కొత్తమార్పులు వస్తాయో అని ఎదురుచూస్తూ ఉంటారు. ముఖ్యంగా పెళ్లి కాని యువతీ యువకులు కొంతమంది ఈ ఏడాదిలోనైనా వివాహం జరుగుతుందో లేదో అని ఆలోచనలో పడిపోతుంటారు. అయితే 2024 ఏడాదిలో ఎక్కువగా ఏయే రాశుల వారికి వివాహం జరుగుంది, జ్యోతిష్యశాస్త్రం ఏం చెబుతుందో ఇప్పుడు తెలుసుకుందాం..

మేషరాశి

ఈ రాశి వారిలో చాలామందికి 2024లో వివాహం జరుగుతుందని జ్యోతిష్యనిపుణులు చెబుతున్నారు. ఈ రాశివారికి అంగారకుడు(కుజుడు) అధిపతిగా ఉంటాడు. గురుడదేవుడు 2024 నుంచి రెండో స్థానంలో సంచారం చేయడం వల్ల ఈ రాశీవారికి మెరుగైన ఫలితాలు రానున్నాయి. ఈ ఏడాదిలో ఊహించని లాభాలను సొంతం చేసుకుంటారు. పెండింగ్ పనులన్నీ పూర్తవుతాయి

వృషభం

వృషభ రాశి వారికి శుక్రుడు అధిపతిగా ఉంటాడు. 2024 సంవత్సరంలో ఈ రాశిగల ఉద్యోగస్తులకు ప్రమోషన్ వచ్చే అవకాశాలు మెండుగా ఉన్నాయి. శని గ్రహం పదో స్థానం నుంచి సంచరిస్తుండడంతో వీరు అన్ని రంగాల్లో విజయాలు సాధించగలుగుతారు. అలాగే ఈ రాశి వారికి వివాహ ఘడియలు కొనసాగుతున్నాయి.

కర్కాటక రాశి

కర్కాటక రాశి వారికి చంద్రుడు అధిపతిగా ఉంటాడు. 2024 సంవత్సరంలో ఈ రాశివారు తాము ప్రేమించిన వారితో వైవాహిక జీవితం ప్రారంభించబోతున్నారు. ఆలస్యం అవుతున్న వారికి వివాహం జరిగే అవకాశాలు మెండుగా ఉన్నాయి. ప్రభుత్వ ఉద్యోగులు ప్రమోషన్ పొందొచ్చు. కొత్తగా వ్యాపారం ప్రారంభించేవారికి అనుకూలంగా ఉంది.

తులారాశి

తులా రాశి వారికి శుక్రుడు అధిపతిగా ఉంటాడు. ఈ రాశివారిలో మే మాసంలో గురుడు ఎనిమిదో స్థానం నుంచి సంచరిస్తుండడంతో కొన్ని అనారోగ్య సమస్యలు వచ్చే అవకాశాలు ఉన్నాయి. ఈ రాశివారిలో చాలామందికి 2024లో వివాహం జరుగుతుందని జ్యోతిష్య నిపుణులు చెబుతున్నారు.

వృశ్చిక రాశి

వృశ్చిక రాశి వారికి కుజుడు అధిపతిగా ఉంటాడు. 2024 వృశ్చిక రాశి వారు వివాహం బంధంలోకి అడుగుపెట్టనున్నారు. ఈ రాశివారికి 2024 లో శని ప్రభావం ఎక్కువగా ఉండనుంది. ఈ ఏడాది మీరు మీ శత్రువులను ఓడిస్తారు. ఉద్యోగులకు కార్యాలయంలో మంచి ఫలితాలు రానున్నాయి. సమాజంలో మీకు మంచి గౌరవం లభిస్తుంది.