రోడ్డుపై  షికార్లు కొడుతున్న మొసలి.. వీడియో వైరల్..

దిశ, మక్తల్: అర్ధరాత్రి రోడ్డుపైకి మొసలి వచ్చింది. ఈ ఘటన నారాయణపేట జిల్లా మక్తల్ నియోజకవర్గంలోని భూత్పూర్ గ్రామ రోడ్డుపై జరిగింది. ఈ ఆసక్తికరమైన సంఘటన సోషల్ మీడియాలో చక్కర్లు కొడుతోంది. వివరాల్లోకి వెళితే మక్తల్ మండలం లోని భూత్పూర్ గ్రామానికి చెందిన ఓ వ్యక్తి మక్తల్ నుండి గ్రామానికి వస్తున్నాడు.

భూత్పూర్ రిజర్వాయర్ కింద ఉన్న రోడ్డుపై అర్ధరాత్రి జనసంచారం అస్సలు ఉండదు. అయితే ఈ ప్రాంతంలో ఓ మొసలి నిదానంగా షికారు చేస్తూ.. అదే గ్రామానికి చెందిన ఓ వ్యక్తి కారులో వస్తుండగా అతని కంట పడింది. గమనించిన ఆ వాహన దారుడు మొసలిని సెల్ ఫోన్ లో చిత్రీకరించారు. అలాగే కారు లైట్ వెలుతురులో కొంత దూరం వెళ్ళాక పొలాల్లోకి వెళ్లి పోయింది మొసలి.