Murder : పొలంలో రైతు దారుణ హత్య..

దిశ, అడ్డాకుల : అడ్డాకుల మండలం కాటవరం గ్రామంలో దారుణం చోటుచేసుకుంది. కొల్లంపల్లి (40) అనే వ్యక్తిని కొంతమంది గుర్తుతెలియని దుండగులు తన పొలంలో మంగళవారం తెల్లవారుజామున కర్రలతో కొట్టి, పిడుగులు గుద్దారు. అది గమనించిన స్థానికులు కొనఊపిరితో ఉన్న బాధితుడిని జిల్లా ఆస్పత్రికి తరలిస్తుండగా మార్గమధ్యలో మృతిచెందాడు. గ్రామస్తులు నిందితులను పట్టుకొని పోలీసులకు అప్పగించారు. బాధితున్ని గుర్తుతెలియని దుండగులు ఎందుకు కొట్టారన్న వివరాలు తెలియాల్సి ఉంది.