నందిగామ వద్ద ఘోర రోడ్డు ప్రమాదం.. ఆర్టీసీ బస్సు ఢీకొని తల్లీ, కొడుకు దుర్మరణం

దిశ, వెబ్‌డెస్క్: ఆర్టీసీ బస్సు ఢీకొని తల్లీ, కొడుకు స్పాట్‌లోనే ప్రాణాలు విడిచిన ఘటన షాద్‌నగర్ పరిధిలోని నందిగామ వద్ద చోటుచేసుకుంది. వివరాల్లోకి వెళితే.. చంద్రాయణగుట్టకు చెందిన హాజీరా బేగం (35), అబ్దుల్ రహ్మాన్ (12), మరో కొడుకు ముగ్గురు కలిసి స్కూటీపై షాద్‌నగర్‌కు బయలుదేరారు. ఈ క్రమంలో వారు నందిగామకు వద్దకు రాగానే స్కూటీని ఎదురుగా వచ్చిన ఆర్టీసీ బస్సు బలంగా ఢీకొట్టింది. ఈ ప్రమాదంలో హాజీరా బేగం, అబ్దుల్ రహ్మాన్ అక్కడికక్కడే ప్రాణాలు విడిచారు. మరో బాలుడికి తీవ్ర గాయాలయ్యాయి. స్థానికుల సమాచారం మేరకు ఘటనా స్థలానికి చేరుకున్న పోలీసులు గాయపడిన బాలుడిని సమీప ఆసుపత్రికి తరలించారు. అనంతరం మృతదేహాలను పోస్టు‌మార్టం నిమిత్తం సమీప ప్రభుత్వాసుపత్రికి తరలించి కేసు నమోదు చేసుకుని దర్యాప్తు చేస్తు్న్నారు.