BREAKING: మాదాపూర్‌లో కారు బీభత్సం.. ఒకరు దుర్మరణం, మరొకరికి గాయాలు

దిశ, వెబ్‌డెస్క్: కారు బీభత్సం సృష్టించిన ఘటన హైదరాబాద్‌లోని మాదాపూర్‌లో చోటుచేసుకుంది. వివరాల్లోకి వెళితే.. పంజాగుట్ట నుంచి హైటెక్‌ సిటీకి వెళ్తున్న ఓ కారు మాదాపూర్ స్టేజ్ వద్దకు రాగానే ఒక్కసారిగా అదుపు తప్పింది. అనంతరం రోడ్డు పక్కనే ఉన్న పాల వ్యాపారిపైకి దూసుకెళ్లింది. ఈ ప్రమాదంలో ఒకరు మృతి చెందగా, మరొకరికి తీవ్ర గాయలయ్యాయి. స్థానికుల సమాచారం మేరకు ఘటన స్థలానికి చేరుకున్న పోలీసులు తాగిన మత్తులో డ్రైవర్ కారు నడిపినట్లుగా గుర్తించారు. ఈ మేరకు అతడిని అందుపులోకి తీసుకుని స్టేషన్‌కు తరలించారు. ఈ ఘటనకు సంబంధించి పూర్తి వివరాలు ఇంకా తెలియాల్సి ఉంది.