BREAKING: మేడ్చల్ జిల్లాలో దారుణం.. బీర్ బాటిల్‌‌తో యువకుడిపై దాడి

దిశ, వెబ్‌డెస్క్: రాష్ట్ర వ్యాప్తంగా గంజాయి విచ్చలవిడిగా లభ్యం అవుతుండటంతో యువత మత్తులో జోగుతున్నారు. పగలు, రాత్రి అనే తేడా లేకుండా గంజాయి సేవిస్తూ నడిరోడ్లపై హల్‌చల్ సృష్టిస్తున్నారు. ఎక్కిన మత్తుతో వారు ఏం చేస్తున్నారనే సోయి లేకుండా.. అసాంఘీక కార్యక్రమాలకు పాల్పడుతూ ప్రాణాలను తీసేందుకు సైతం ఏమాత్రం వెనుకాడటం లేదు. ఈ క్రమంలోనే మంగళవారం మేడ్చల్ జిల్లాలోని గాగిల్లాపూర్‌లో కొంతమంది యువకులు గంజాయి సేవించి హల్‌చల్ సృష్టించారు. ఏకంగా తోటి స్నేహితుడిపై కొందరు యువకులు బీరు బాటిల్‌తో విచక్షణా రహితంగా దాడికి తెగబడ్డారు. ఈ దాడిలో యువకుడికి తీవ్ర గాయాలు కాగా, స్థానికులు గమనించి సమీప ఆసుపత్రికి తరలించారు. బాధితుడి కుటుంబ సభ్యుల ఫిర్యాదు మేరకు దుండిగల్ పోలీసులు కేసు నమోదు చేశారు.  అనంతరం నిందితులు మదన్ కుమార్, సాయిని అదుపులోకి తీసుకుని రిమాండ్‌కు తరలించారు.