బైక్ డిక్కీలో నుంచి నగదు చోరీ

దిశ, కోరుట్ల టౌన్ : అప్పుడే బ్యాంకులో నుంచి ఓ వ్యక్తి డ్రా చేసిన డబ్బులను గుర్తు తెలియని దుండగులు దొంగిలించుకు పోయిన సంఘటన కోరుట్లలో శనివారం చోటు చేసుకుంది. వివరాల్లోకి వెళితే ఓ వ్యక్తి బ్యాంకు నుండి డ్రా చేసిన లక్ష రూపాయలను అతడి ద్విచక్ర వాహనంలోని డిక్కీలో ఉంచి ఇతర వస్తువులు కొనుగోలు చేయడం కోసం వెళ్లాడు. అతడిని పరిశీలించిన ఇద్దరు దొంగలు డిక్కీలోని నగదును ఎత్తుకెళ్లారు. బాధితుడు తిరిగి వచ్చి చూసే సరికి డబ్బులు కనిపించక పోవడంతో పోలీస్ స్టేషన్లో ఫిర్యాదు చేశాడు. చోరీకి సంబంధించిన దృశ్యాలు సీసీ ఫుటేజీలో రికార్డ్ అయ్యాయి. రంగంలోకి దిగిన కోరుట్ల పోలీసులు దొంగల కోసం గాలిస్తున్నారు.