దొంగల హల్‌చల్.. ఏడు ఇళ్లలో చోరీ..

దిశ,వెల్దుర్తి: మండలంలోని ఉప్పులింగాపూర్ గ్రామంలో మంగళవారం రాత్రి దోపిడీ దొంగల హల్ చల్ చేశారు. తాళం వేసి ఉన్న 7 ఇళ్లలో దొంగలు చోరీకి పాల్పడి 2.70 లక్షల విలువైన బంగారు ఆభరణాలు నగదును దోచుకెళ్లారు. గ్రామానికిచాకలి పెద్ద నర్సింలు ఇంట్లో 2 ½ తులాల బంగారం,రూ. 45 వేల నగదు,కుంట్ల ముత్యాలు ఇంట్లో 5 తులాల వెండి గొలుసులు దొంగిలించారు. గ్రామానికి చెందిన తలకొక్కుల శ్రీనివాస్, తలకొక్కుల దత్తు, వంచ లక్ష్మ రెడ్డి,సత్తి వినోధ, సత్తి సుధాకర్ ఇంట్లో తాళాలు పగలగొట్టి చోరీకి పాల్పడగా ఎలాంటి నగదు వస్తువులు పోలేదని ఎస్సై రాజు తెలిపారు.బాధితుల ఫిర్యాదు మేరకు కేసు నమోదు చేసినట్లు ఎస్సై తెలిపారు.