నిద్రిస్తున్న డ్రైవర్ తలపై నుంచి వెళ్లిన హార్వెస్టర్..అక్కడికక్కడే మృతి.!

దిశ, మరిపెడ : వరి కోత యంత్రం తలపై నుండి వెళ్లడంతో ఓ వ్యక్తి మృతి చెందాడు. ఈ ఘటన మహబూబాబాద్ జిల్లా మరిపెడ మండలం గుండెపుడి గ్రామంలో శుక్రవారం తెల్లవారుజామున జరిగింది.గ్రామస్తుల కథనం ప్రకారం తమిళనాడు రాష్ట్రం మదురై జిల్లాకు చెందిన సత్తిరాజు అనే డ్రైవర్ హార్వెస్టర్ కింద నిద్రిస్తుండగా అది గమనించని మరో డ్రైవర్ ఏమరపాటున నడపడంతో సత్తిరాజు తలపై నుండి హార్వెస్టర్ వెళ్లగా అతడు అక్కడికక్కడే మృతి చెందినట్లు వారు తెలిపారు.