వివాహిత అనుమానస్పద మృతి..

దిశ,మానకొండూర్: కరీంనగర్ జిల్లా మానకొండూరు లోని ఓ వ్యవసాయ బావిలో మహిళ అనుమానాస్పద స్థితిలో మృతి చెంది ఉన్నట్లు స్థానిక పోలీసులు తెలిపారు. పోలీసులు తెలిపిన వివరాల మేరకు.. మానకొండూర్ గ్రామానికి చెందిన కోండ్ర ప్రహర్ష (24) అనే మహిళ సోమవారం ఇంటి నుండి బహిర్భూమికని వెళ్లి ఇంటి సమీపంలోని ఓ వ్యవసాయ బావిలో శవమై తేలింది. బొమ్మకల్ గ్రామానికి చెందిన ప్రహర్షను మానకొండూర్ కు చెందిన కోండ్ర కళ్యాణ్ 2017లో ప్రేమ వివాహం చేసుకున్నాడు. వివాహం జరిగిన అనంతరం కళ్యాణ్-ప్రహర్ష దంపతులకు కూతురు ఆద్య శ్రీ, కుమారుడు ఆయాన్ జన్మించారు. కళ్యాణ్ గత పది నెలల క్రితం మరణించాడు. ప్రహర్ష ఉపాధి నిమిత్తం కరీంనగర్లోని ఓ షోరూంలో పని చేస్తుంది. సోమవారం ఉదయం బహిర్భూమికి వెళ్లిన ప్రహర్ష వ్యవసాయ బావిలో అనుమానాస్పదంగా శవమై తేలినట్లు స్థానికులు తెలిపారు. మృతురాలి సోదరి నిర్మట్ల ప్రసన్న ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు మానకొండూర్ పోలీసులు తెలిపారు.