ఇంటి నుండి బయటకు వెళ్ళిన యువకుడు.. అనుమానస్పద స్థితిలో మృతి

దిశ, జిన్నారం : జిన్నారం మండలం కొడకంచి గ్రామ పంచాయతీ పరిధిలోని పుట్టాగూడ గ్రామంలో అనుమానస్పద స్థితిలో ఓ యువకులు మృతి చెందిన ఘటన బుధవారం చోటుచేసుకుంది. వివరాలలోకి వెళితే గ్రామానికి చెందిన కంచనపల్లి దాయరి మహేష్ (30) మంగళవారం రాత్రి 9 గంటల తర్వాత ఇంటి నుండి బయటకు వెళ్ళాడు. రాత్రి వరకు కుటుంబ సభ్యులు ఎదురు చుసినా ఇంటికి రాలేదు. తెల్లారేసరికి పుట్టగూడలోని ఒక బెల్ట్ షాప్ ఎదురుగా శవమై కనిపించాడు. ఎలా మృతి చెందాడు తదితర వివరాలు తెలియాల్సి వుంది. ఘటనా స్థలాన్ని పోలీసులు సందర్శించి కేసు నమోదు చేసుకొని దర్యాప్తు చేస్తున్నారు.