25.22 కేజీల గంజాయి పట్టివేత

దిశ, భద్రాచలం : ఎక్సైజ్ ఎన్ఫోర్స్మెంట్ అధికారులు భద్రాచలం పట్టణంలో రూట్ వాచ్ లో భాగంగా వాహనాలు తనిఖీ నిర్వహిస్తుండగా 25.22 కేజీల గంజాయి లభించింది. మూడు ద్విచక్ర వాహనాలపై ఐదుగురు వ్యక్తులు నిషేధిత గంజాయిని తరలిస్తూ అధికారులకు పట్టుబడ్డారు. వీరిని అరెస్టు చేసి గంజాయితో పాటు మూడు ద్విచక్ర వాహనాలను, 5 సెల్ ఫోన్ లను స్వాధీనం చేసుకున్నారు. ఈ దాడుల్లో ప్రొహిబిషన్ అండ్ ఎక్సైజ్ ఇన్స్పెక్టర్ ఎస్. రమేష్, హెడ్ కానిస్టేబుల్స్ కరీం, బాలు, కానిస్టేబుల్స్ సుధీర్, వెంకట్, విజయ్ పాల్గొన్నారు. పూర్తి విచారణ నిమిత్తం భద్రాచలం ఎస్ హెచ్ ఓ కి కేసును అప్ప చెప్పినట్లు అధికారులు తెలిపారు.