అదుపుతప్పిన ఆర్టీసీ సూపర్ లగ్జరీ.. ఎనిమిది మందికి గాయాలు

దిశ, జనగామ : హైదరాబాద్ నుంచి వరంగల్ వెళుతున్న ఆర్టీసీ సూపర్ లగ్జరీబస్సు జనగామ పట్టణంలోని జీడికల్ వెళ్లే బ్రిడ్జి సమీపంలో మంగళవారం అదుపుతప్పి రోడ్డు కిందకు దూసుకుపోవడంతో 8 మంది ప్రయాణికులకు గాయాలయ్యాయి.

డ్రైవర్ ముందు ఉన్న లారీని తప్పించే క్రమంలో బస్సు అదుపుతప్పి రోడ్డు కిందికి దూసుకుపోయినట్లు సమాచారం. ఈ ప్రమాదంలో బస్సులో ప్రయాణిస్తున్న ఎనిమిది మందికి స్వల్ప గాయాలయ్యాయి. కాగా బస్సులో ఉన్న మరికొంతమంది ప్రయాణికులను మరొక బస్సులో వరంగల్ కు తరలించారు. ఈ ప్రమాదంలో ఎలాంటి ప్రాణనష్టం జరగకపోవడంతో ప్రయాణికులు అంతా ఊపిరిపీల్చుకున్నారు.