ఘోర రోడ్డు ప్రమాదం.. ఆరుగరు మృతి, మరో ఇద్దరికి గాయాలు

దిశ, వెబ్‌డెస్క్: ఒడిశా రాష్ట్రంలోని సంభల్‌పూర్‌లో గురువారం తెల్లవారుజామున జరిగిన రోడ్డు ప్రమాదంలో ఆరుగురు మృతి చెందగా, మరో ఇద్దరు గాయలయ్యియి. ఒకే గ్రామానికి చెందిన 11 మంది ఒకే వాహనంలో పెళ్లికి హాజరై... గ్రామానికి  తిరిగి వస్తున్న సమయంలో ఈ ప్రమాదం చోటు చేసుకుంది. ఈ ప్రమాదానికి కారణాలు తెలియడం లేదు. అయితే ఈ ఘటన జరిగిన తర్వాత వాహనం డ్రైవర్ కనిపించకుండా పోయాడు. విషయం తెలుసుకున్న పోలీసులు వెంటనే ఘటన స్థలానికి వెళ్లి సహాయక చర్యలు చేపట్టారు. చనిపోయిన వారిని జార్సుగూడ జిల్లా లక్దాపూర్ గ్రామానికి చెందిన వాసులుగా పోలీసులు గుర్తించి, క్షతగాత్రులను సంభల్‌పూర్ ఆసుపత్రిలో చేర్పించారు. మృతదేహలను జిల్లా కేంద్ర హాస్పటల్‌కు తరలించారు. ఇదే ఆసుపత్రిలో పోస్టుమార్టం నిర్వహించిన తర్వాత మృతదేహాలను బంధువులకు అప్పగించారు. ప్రస్తుతం కేసు నమోదు చేసి దర్యాప్తు కొనసాగిస్తున్నారు.