Road Accident: ఘోర రోడ్డు ప్రమాదం.. ఎనిమిది మంది దుర్మరణం

దిశ, వెబ్‌డెస్క్: రోడ్డు ప్రమాదం (Road Accident)లో ఎనిమిది మంది దుర్మరణం పాలైన విషాద ఘటన చత్తీస్‌గఢ్ రాష్ట్రం (Chhattisgarh State)లో ఆదివారం తెల్లవారుజామున చోటుచేసుకుంది. ఒకే కుటుంబానికి చెందిన ఎనిమిది మంది స్కార్పియో (Scorpio) వాహనంలో లరిమా నుంచి సూర్జాపూర్ వెళ్తున్నారు. ఈ క్రమంలోనే వారు బలరాంపూర్ జిల్లా (Balarampur District) శివారు ప్రాంతంలోకి చేరుకోగానే స్కార్పియో అతివేగంతో అదుపుతప్పి రోడ్డు పక్కనే ఉన్న చేరువులో పడిపోయింది. ఈ ప్రమాదంలో ఎనమిది మంది అక్కడికక్కడే ప్రాణాలు కోల్పోయారు. స్థానికుల సమాచారం మేరకు ఘటనా స్థలానికి చేరుకున్న పోలీసులు సహాయక చర్యలను ముమ్మరం చేశారు. మృతదేహాలను వెలికితీసి పోస్ట్‌మార్టం (Postmortem) నిమిత్తం సమీప ప్రభుత్వాసుపత్రికి తరలించారు. ఈ మేరకు కేసు నమోదు చేసుకుని దర్యాప్తు చేస్తున్నామని పోలీసులు వెల్లడించారు. ఈ ఘటనకు సంబంధించి పూర్తి వివరాలు ఇంకా తెలియాల్సి ఉంది.