అనుమానాస్పద స్థితిలో వృద్ధుడు మృతి

దిశ, బెజ్జుర్ : అనుమానాస్పద స్థితిలో వృద్ధుడు మృతి చెందిన సంఘటన కొమురం భీం ఆసిఫాబాద్ జిల్లా దహగాం మండలంలో కర్జి గ్రామంలో శుక్రవారం రాత్రి జరిగింది. దహెగాం ఎస్సై సనత్ కుమార్ తెలిపిన వివరాల ప్రకారం. మండలంలోని కర్జి గ్రామానికి చెందిన కోసరి మధుకర్ను తన కుమారుడు తిరుమలేష్ కొట్టడంతో మృతి చెందినట్లు మృతుని కూతురు మెస్రం.అనూష పోలీస్ స్టేషన్లో శుక్రవారం ఫిర్యాదు చేసినట్లు ఎస్సై తెలిపారు.

తాగిన మైకంలో తన తండ్రితో సోదరుడు తిరుమలేష్ తరచూ గొడవ పడుతుండేవాడని ఫిర్యాదు లో పేర్కొన్నారు. అనుమానాస్పద స్థితిలో మృతి చెందినట్లు ఎస్సై సనత్ కుమార్ తెలిపారు. కోసరి మధుకర్ ను కొట్టి చంపారా? లేదా ఇతర ఏదైనా కారణం చేత మృతి చెందార? అనే విషయంపై విచారణ జరుపుతున్న ఎస్సై సనత్ కుమార్ తెలిపారు. సంఘటన స్థలాన్ని కాగజ్ నగర్ రూరల్ సీఐ నాగరాజు సందర్శించారు. మృతికి గల కారణాలను ఎస్సైని అడిగి తెలుసుకున్నారు.