గుర్తు తెలియని వాహనం ఢీకొని ఇద్దరు మృతి

దిశ,ఆమనగల్లు ::- గుర్తు తెలియని వాహనం ఢీకొని ఇద్దరు మృతి చెందిన సంఘటన ఆమనగల్లు పోలీస్ స్టేషన్ పరిధిలో చోటుచేసుకుంది. ఎస్సై వెంకటేష్ తెలిపిన వివరాల ప్రకారం..ఆమనగల్లు మండల పరిధి చింతలపల్లి చెన్నకేశవ కాలనీకి చెందిన వరికుప్పల యాదగిరి(42),మార్ల యాదయ్య (40)లు సోమవారం సాయంత్రం చెన్నకేశవ కాలనీ నుండి చుక్కాపూర్ వైపు వెళ్తుండగా మార్గమధ్యలో గుర్తు తెలియని వాహనం ఢీకొనడంతో యాదగిరి,యాదయ్య అక్కడికక్కడే మృతి చెందినట్లు తెలిపారు. వరికుప్పల యాదగిరికి భార్య, ఇద్దరు కూతుళ్లు ఒక కుమారుడు, మార్ల యాదయ్యకు భార్యతో పాటు ఇద్దరు కుమారులు కలరని అన్నారు. మృతదేహాలను పోస్టుమార్టం నిమిత్తం కల్వకుర్తి ప్రభుత్వ ఆస్పత్రికి తరలించినట్లు తెలిపారు.