ప్రమాదవశాత్తు బావిలో పడి వ్యక్తి మృతి

దిశ, తిమ్మాపూర్ : ప్రమాదవశాత్తు వ్యవసాయ బావిలో పడి ఓ వ్యక్తి మృతి చెందిన సంఘటన తిమ్మాపూర్ మండలం గొల్లపల్లి గ్రామంలో చోటు చేసుకుంది. కుటుంబ సభ్యులు తెలిపిన వివరాల ప్రకారం తిమ్మాపూర్ మండలం గొల్లపల్లి గ్రామానికి చెందిన రాచకట్ల కిషన్ (42) ఆదివారం తెల్లవారుజామున ప్రమాదవ శాత్తు వ్యవసాయ బావిలో పడి మృతి చెందినట్లు కుటుంబ సభ్యులు తెలిపారు.

    మృతుడికి భార్య, ఇద్దరు పిల్లలు ఉన్నారు. వారిది నిరుపేద కుటుంబం కావడంతో ప్రభుత్వ పరంగా ఆదుకోవాలని గ్రామస్తులు కోరారు. ఎల్ఎండీ ఎస్ఐ తాండ్ర వివేక్ సంఘటనా స్థలానికి చేరుకొని మృతదేహాన్ని రెస్క్యూ టీంతో బయటకి తీసి, పోస్టుమార్టం నిమిత్తం ప్రభుత్వ ఏరియా ఆసుపత్రికి తరలించి కేసు దర్యాప్తు చేస్తున్నట్లు పోలీసులు తెలిపారు. ఈ సందర్బంగా గ్రామానికి చెందిన కాంగ్రెస్ నాయకుడు అనిల్ కుటుంబానికి రూ. 5 వేలు ఆర్థిక సాయం అందజేశారు.