రోడ్డు ప్రమాదంలో కోహెడ పోలీస్ స్టేషన్ రైటర్ మృతి

దిశ, కోహెడ : సిద్దిపేట జిల్లా కోహెడ పోలీస్ స్టేషన్ లో రైటర్ నవీన్ ఇబ్రహీంనగర్ దగ్గర జరిగిన ప్రమాదంలో మరణించారు. ప్రతిరోజు లాగానే విధులు నిర్వహించి తిరిగి సిద్దిపేటలోని తన ఇంటికి వెళ్తున్న రాత్రి సమయంలో షిఫ్ట్ డిజైర్ కార్ లో చిన్నకోడూరు మండలం ఇబ్రహీంనగర్ దగ్గర వెనుక నుండి వస్తున్న లారీ కారును ఢీకొనడంతో ప్రమాదం జరిగింది.నవీన్ అక్కడికక్కడే మృతి చెందాడు. మృతునికి ఒక పాప ఒక బాబు ఉన్నారు. మృతదేహాన్ని సిద్దిపేట ప్రభుత్వ ఆసుపత్రికి తరలించారు. సంఘటన స్థలానికి కోహెడ ఎస్సై,సీఐ చేరుకుని ప్రమాదానికి గల కారణాలను విచారణ చేస్తున్నారు.