Crime : ప్రమాదవశాత్తు నదిలో పడి జాలరి మృతి

దిశ, కొల్లాపూర్: వైజాగ్ ప్రాంతానికి చెందిన ఓ జాలరి చేపల వేటకు వెళ్లి ప్రమాదవశాత్తు మృతి చెందిన సంఘటన మంగళవారం వెలుగుచూసింది. చేపల వేటే జీవనాధారం కావడంతో బతుకు దెరువు కోసం వైజాగ్ నుంచి కొల్లాపూర్ మండలం సోమశిల సమీపంలో కృష్ణానది వీఐపీ పుష్కర్ ఘాట్ వద్ద తాత్కాలిక నివాసాలు ఏర్పాటు చేసుకొని కొన్ని కుటుంబాలు జీవనం సాగిస్తున్నారు. అయితే నాగరాజు(23) అనే జాలరి మరబోటు పై చేపల వేటకు మంగళవారం ఉదయం వెళ్లి ప్రమాదవశాత్తు నదిలో పడి అనుమానస్పద స్థితిలో మృతి చెందాడు. ఈ సంఘటనపై కొల్లాపూర్ పోలీసులకు సమాచారంతో శవాన్ని స్వాధీనం చేసుకొని పోస్టుమార్టం కోసం తరలించారు.అన్ని కోణాల్లో నుంచి కేసును పోలీసులు దర్యాప్తు చేస్తున్నారు.