బ్రేకింగ్: ఘోర ప్రమాదం.. 100 అడుగుల లోయలో పడిపోయిన టూరిస్ట్ వ్యాన్

దిశ, వెబ్‌డెస్క్: తమిళనాడులో ఘోర రోడ్డు ప్రమాదం జరిగింది. తేని జిల్లాలో ప్రయాణికులతో వెళ్తున్న ఓ టూరిస్ట్ వ్యాన్ శనివారం రాత్రి వంద అడుగుల లోతు లోయలో పడింది. ఈ ప్రమాదంలో నలుగురు టూరిస్ట్‌లు అక్కడికక్కడే మృతి చెందారు. మరో 16 మందికి తీవ్ర గాయాలు కాగా.. అందులో ఆరుగురి పరిస్థితి విషమంగా ఉన్నట్లు సమాచారం. ప్రమాద సమయంలో వ్యానులో మొత్తం 30 మంది ప్రయాణికులు ఉన్నట్లు తెలుస్తోంది.

కాగా, వీరంతా మునార్‌లో ఓ పెళ్లికి హాజరై తిరిగి వస్తుండగా ఈ ప్రమాదం చోటుచేసుకున్నట్లు సమచారం. ఇక, ఈ ప్రమాదం గురించి సమాచారం అందుకున్న పోలీసులు, రెస్య్కూ బృందాలు ఘటన స్థలానికి చేరుకుని సహయక చర్యలు చేపట్టాయి. క్షతగాత్రులను చికిత్స నిమిత్తం దగ్గర్లోని ఆసుపత్రికి తరలించారు. ఈ ఈ ఘటనలో మృతుల సంఖ్య మరింత పెరిగే అవకాశం ఉన్నట్లు అధికారులు తెలిపారు. కాగా, ఈ ఘటనకు సంబంధించిన పూర్తి వివరాలు తెలియాల్సి ఉంది.