కేజీ వీల్స్ కింద పడి రైతు దుర్మరణం

దిశ, తంగళ్లపల్లి : ప్రమాదవశాత్తు ట్రాక్టర్ కేజీ వీల్స్ కిందపడి రైతు మృతి చెందిన ఘటన తంగళ్లపల్లి మండలం చిన్న లింగాపూర్ గ్రామంలో ఆదివారం చోటు చేసుకుంది. వివరాల్లోకి వెళితే.. తంగళ్లపల్లి మండలం చిన్న లింగాపూర్ గ్రామంలో ముచ్చర్ల పరుశురాములు అనే రైతు తన పొలం దున్నుతుండగా ప్రమాదవశాత్తు ట్రాక్టర్ కేజీ వీల్స్ కింద పడ్డాడు. ట్రాక్టర్ కింద ఇరుక్కున్న పరుశురాములు తలకు తీవ్ర గాయాలయ్యాయి. గమనించిన స్థానికులు హుటాహుటిన చికిత్స నిమిత్తం సిరిసిల్ల ఆస్పత్రికి తరలిస్తుండగా పరిస్థితి విషమించి మార్గ మధ్యలోనే మృతి చెందాడు. మృతునికి భార్య కవిత, కొడుకు శివ, తల్లిదండ్రులు ఎల్లవ్వ, రాజయ్య ఉన్నారు.