పురుగుల మందు తాగి రైతు ఆత్మహత్య

దిశ, చౌటకూర్ :- పురుగుల మందు తాగి ఓ రైతు ఆత్మహత్యకు పాల్పడ్డాడు. మండలంలోని మిన్పూర్ గ్రామానికి చెందిన చాకలి కనకయ్య (40) తనకున్న అర ఎకరం వ్యవసాయం భూమిని సాగు చేసుకుంటూ జీవనం వెళ్లదీస్తున్నారు. అయితే , ఎప్పటిలాగే పొలం పనులకు వెళ్తున్నాని ఇంట్లో చెప్పి పుల్కల్ గ్రామం శివారులో పురుగుల మందు తాగి ఆత్మహత్యకు పాల్పడ్డాడు. శనివారం పొలం పనులకు వెళ్లిన రైతులు గమనించి గ్రామస్తులకు సమాచారం అందించారు. మృతుడికి భార్య, ముగ్గురు కుమారులు ఉండగా ,గత కొన్ని నెలలుగా భార్య పుట్టింటి వద్దనే ఉంటున్నారనిలో గ్రామస్తులు తెలిపారు. కుటుంబ కలహాలు, అప్పుల బాధకు తాళలేక ఆత్మహత్యకు పాల్పడి ఉంటారని గ్రామస్తులు పేర్కొంటున్నారు. ఈ మేరకు పుల్కల్ పోలీసులు కేసు నమోదు చేసుకుని దర్యాప్తు చేస్తున్నారు.