సిద్దిపేటలో కలకలం సృష్టించిన మహిళ మృతదేహం..

దిశ, సిద్దిపేట ప్రతినిధి : సిద్దిపేట పట్టణ శివారు హరిహర రెసిడెన్సీ సమీపంలో మహిళ మృత దేహం కలకలం సృష్టించింది. త్రీటౌన్ సీఐ భాను ప్రకాష్ తెలిపిన వివరాల ప్రకారం మేడ్చల్ కు చెందిన రాజమ్మ (40) అనే మహిళ కుటుంబ కలహాల నేపథ్యంలో ఇంటి నుండి వెళ్లి పోయింది. మహిళ కుటుంబ సభ్యులు ఫిర్యాదు మేరకు మేడ్చల్ పోలీసులు మిస్సింగ్ కేసు నమోదు చేశారు. దర్యాప్తులో భాగంగా ఓ వ్యక్తిని విచారించగా రాజమ్మను చంపి సిద్దిపేట శివారులో పడవేసినట్లు తెలిపాడు. మేడ్చల్ పోలీసులు మృత దేహం స్వాధీనం చేసుకున్నారు.