పిడుగుపాటుకు ఎద్దు మృతి..

దిశ, మిడ్జిల్ : పిడుగుపాటుకు ఎద్దు మృతి చెందిన సంఘటన మహబూబ్ నగర్ జిల్లా మిడ్జిల్ మండల పరిధిలో జరిగింది. వివరాలు ఇలా ఉన్నాయి. సోమవారం సాయంత్రం ఈదురుగాలులతో కూడిన వర్షం కురిసింది. అదే సమయంలో పిడుగు పడడంతో మండల పరిధిలోని వల్లపురావు పల్లి గ్రామానికి చెందిన వెంకట్రాములకు చెందిన ఎద్దు మృతి చెందింది.

తనకున్న వ్యవసాయ పొలంలో తన రెండు ఎద్దుల ద్వారానే వ్యవసాయం చేసుకుని జీవనం కొనసాగిస్తానని, ఇప్పుడు తన ఎద్దు మృతి చెందడంతో దాదాపు రూ. 60 వేల నష్టం వాటిల్లిందని బాధిత రైతు వెంకట రాములు తెలిపాడు. ప్రభుత్వం తమను ఆర్థికంగా ఆదుకోవాలని  బాధిత రైతు కోరాడు.