ట్రాక్టర్ కిందపడి చిన్నారి బాలుడు మృతి..
మహబూబాబాద్ జిల్లా కేసముద్రం మండలం నారాయణపురం గ్రామంలో ట్రాక్టర్ కింద పడి బాలుడు మృతిచెందిన సంఘటన బుధవారం చోటు చేసుకుంది.
దిశ, మహబూబాబాద్ ప్రతినిధి : మహబూబాబాద్ జిల్లా కేసముద్రం మండలం నారాయణపురం గ్రామంలో ట్రాక్టర్ కింద పడి బాలుడు మృతిచెందిన సంఘటన బుధవారం చోటు చేసుకుంది. గ్రామస్తులు తెలిపిన వివరాలు ఇలా ఉన్నాయి నారాయణపురం గ్రామానికి చెందిన మారుపంగా ఐలయ్య, విజయ దంపతులకు చిన్ను (ఏడాదిన్నర) అనే బాలుడు ఉన్నాడు.
బాలుడు ఎక్కి ఉన్న ట్రాక్టర్ మొరాయిస్తున్న క్రమంలో గ్రామస్తులతో పాటు బాలుడి తండ్రి, తాత నెడుతున్నారు. ఇంతకీ స్టార్ట్ కాకపోవడంతో చిన్నును ట్రాక్టర్ నుంచి కిందికి దింపారు. ట్రాక్టర్ నెడుతున్న సమయంలో ఒక్కసారి గా ట్రాక్టర్ స్టార్ట్ అయ్యి వెనక్కి రాగా అది బాలుడి పైకి ఎక్కి బాలుడు అక్కడికక్కడే మృతి చెందాడు. విషయం తెలుసుకున్న పోలీసులు సంఘటన స్థలానికి చేరుకొని విచారణ చేపడుతున్నారు.