గుర్తు తెలియని వ్యక్తి మృతదేహం లభ్యం..

దిశ, ఉప్పల్: ఉప్పల్ పోలీస్ స్టేషన్ పరిధిలో గుర్తు తెలియని వ్యక్తి మృతదేహం లభించింది. ఎస్ఐ శంకర్ తెలిపిన వివరాల ప్రకారం.. ఉప్పల్ లో పెట్రోలింగ్ డ్యూటీ నిర్వహిస్తున్న కానిస్టేబుల్ ఉపేందర్ కు డయల్ 100 నుంచి ఎల్ అండ్ టీ భగయత్ వద్ద ఒక గుర్తు తెలియని వ్యక్తి కింద పడి ఉన్నాడని కాల్ వచ్చింది.

వెంటనే సంఘటన స్థలానికి చేరుకొని చూసేసరికి 56 నుంచి 60 ఏళ్ల వయసున్న ఒక గుర్తు తెలియని వ్యక్తి అపస్మారక స్థితిలో కింద పడి ఉన్నాడని,ఆ వ్యక్తి ఫుట్ పాత్ వద్ద భిక్షాటన చేస్తూ జీవిస్తున్నాడు అని తెలిసింది. చికిత్స నిమిత్తం గాంధీ హాస్పిటల్ కు తరలించారు. చికిత్స పొందుతూ సాయంత్రం 5 గంటల 50 నిమిషాల ప్రాంతంలో మృతి చెందినట్లు తెలిపారు. ఈ మేరకు పోలీసులు కేసు నమోదు చేసుకొని దర్యాప్తు చేస్తున్నారు.