accident : రోడ్డు ప్రమాదంలో వృద్ధుడు దుర్మరణం

దిశ, కథలాపూర్ : టాటా ఏస్​ (Tata Ace)వాహనం బైక్ ఢీకొన్న ఘటనలో వృద్ధుడు మృతి చెందాడు. ఈ సంఘటన కథలాపూర్ మండలం పోసానిపేట(Posanipet)లో చోటు చేసుకుంది. వివరాల్లోకి వెళితే దుంపేట గ్రామానికి చెందిన తోటలింగం (Totalingam)(60) అనే వృద్ధుడు పనుల నిమిత్తం తాండ్రియాల వైపు నుంచి వస్తున్న క్రమంలో పోసానిపేట ఎల్లమ్మ దేవాలయం ప్రాంతంలో వేములవాడ ప్రధాన రోడ్డుపై కోరుట్ల వైపు నుంచి వస్తున్న టాటా ఎస్ ఢీకొట్టింది. ఈ ఘటనలో తోట లింగం సంఘటన స్థలంలోనే మృతి చెందాడు. స్థానికులు పోలీసులకు సమాచారం అందించగా ఎస్సై నవీన్ కుమార్ సంఘటనా స్థలానికి చేరుకుని దర్యాప్తు చేస్తున్నారు. దీంతో గ్రామంలో విషాదఛాయలు నెలకొన్నాయి.