త్రుటిలో తప్పిన ప్రైవేట్ బస్సు ప్రమాదం..

దిశ, సత్తుపల్లి : సత్తుపల్లి పట్టణ పరిధిలో సోమవారం రోడ్డు ప్రమాదం చోటుచేసుకుంది. విశాఖపట్నం నుండి హైదరాబాద్ వెళుతున్న స్లీపర్ క్లాస్ బస్సు సత్తుపల్లి ఎస్బీఐ మెయిన్ బ్రాంచ్ ఎదురుగా ఆగి ఉన్న లారీ ని ఢీ కొట్టింది. బస్సులో ప్రయాణికులకు స్వల్పగాయాలు కావడంతో పెనుప్రమాదం తప్పింది. ప్రమాదం జరిగిన సమయంలో సుమారు 60 మంది ప్రయాణికులు బస్సులో ఉన్నారని, వారంతా సురక్షితంగా ఉన్నారని డ్రైవర్ తెలిపారు. ఈ సంఘటనపై స్థానిక పోలీసులు కేసునమోదు చేసి దర్యాప్తు చేస్తున్నారు.