రోడ్డు ప్రమాదంలో వ్యక్తి మృతి

దిశ, దుబ్బాక : రోడ్డు ప్రమాదంలో వ్యక్తి మృతిచెందిన ఘటన భూంపల్లి మండల పరిధిలోని నగరం స్టేజి వద్ద సోమవారం చోటుచేసుకుంది. వివరాల్లోకి వెళితే.. నిజాంపేట్ మండలం నస్కల్ గ్రామానికి చెందిన దొంతరబోయిని రాజయ్య (48) భూంపల్లి గ్రామంలో జరుగుతున్న పెద్దమ్మ పండుగకు తన బైక్ పై బయలుదేరాడు. ఈ క్రమంలో రాజయ్య బైక్ నగరం స్టేజ్ వద్దకు రాగానే ఎదురుగా వస్తున్న బస్సు ఢీకొని అక్కడికక్కడే మృతి చెందాడు. ఈ మేరకు పోలీసులు కేసు నమోదు చేసుకుని మృతదేహాన్ని పోస్టుమార్టం నిమిత్తం దుబ్బాక ఏరియా ఆస్పత్రికి తరలించారు.