మద్యం మత్తులో మురుగు కాలువలో పడి వ్యక్తి మృతి

దిశ, ప్రొద్దుటూరు: చాపాడు మండలం పల్లవోలు గ్రామంలో మద్యం మత్తులో మురుగు కాలువలో పడి వ్యక్తి మృతి చెందారు. మృతుడు పల్లవోలు గ్రామానికి చెందిన వెంకటేశ్వర్లుగా గుర్తించారు. మద్యం సేవించి ఇంటి ఎదురుగా ఉన్న అరుగుపై నిద్రిస్తుండగా ప్రమాదవశాత్తు పక్కన ఉన్న మురుగు కాలువలో పడిపోవడంతో వెంకటేశ్వర్లు మృతి చెందారు. మురుగు కాలువలో పడిన వెంకటేశ్వర్లు గుర్తించిన స్థానికులు ఆయనను బయటకు తీశారు. వెంటనే అక్కడ ఉన్న వారు సీపీఆర్ చేసినా ఫలితం లేకపోవడంతో కుటుంబ సభ్యులు ఆస్పత్రికి తరలించారు. అప్పటికే మృతి చెందినట్లు వైద్యులు తెలిపారు.