ఇసుక లారీ ఢీకొని వ్యక్తి మృతి

దిశ,దుమ్ముగూడెం: దుమ్ముగూడెం మండలంలోని తూరుబాక బ్రిడ్జి మూలమలుపు వద్ద ఇసుక లారీ ఢీకొని ఒక వ్యక్తి మృతి చెందిన ఘటన మంగళవారం చోటుచేసుకుంది . భద్రాచలం నుంచి ఇసుకలోడు కోసం వెళుతున్న లారీ టీవీఎస్ ఎక్సెల్ బైక్ పై వెళ్తున్న తెల్లం అర్జున్ అనే వ్యక్తిని ఢీకొంది. దీంతో అక్కడికక్కడే మృతి చెందాడు. బైక్ ని ఢీకొన్న తర్వాత డ్రైవర్ లారీని ఆపకుండా వెళ్తుడడంతో అక్కడే ఉన్న స్థానికులు వెంబడించి లక్ష్మీ నగరం వద్ద లారీ డ్రైవర్ని అదుపులోకి తీసుకున్నారు. మృతుడు పాత మారేడుబాక గ్రామానికి చెందిన వాడిగా స్థానికులు గుర్తించారు.